ကိုရိုနာဗိုင်းရပ်စ်ကြောင့် လူများတဲ့နေရာတွေဆို မသွားရဲဘူးဆိုတဲ့ ဝတ်မှုန်ရွှေရည်

အခုဆို လက်ကို ခဏခဏ ဆေးဖြစ်နေတယ်။

ဝတ်မှုံရွှေရည်ကတော့ ကိုရိုနာဗိုင်းရပ်စ် ကြောင့် အကယ်ဒမီပွဲရက်ရွှေ့တာမျိုး၊ ရုပ်ရှင်ရုံတွေ ပိတ်လိုက်ရတာတွေ အပေါ် သူမရဲ့ သဘောထားကို ပြောပြလာပါတယ်။ 

အကယ်ဒမီဝတ်မှုံရွှေရည်ကတော့ ၂၀၁၉ ခုနှစ်အတွက် ရုပ်ရှင်ထူးချွန်ဆုပေးပွဲကြီး ရက်ရွှေ့လိုက်တဲ့အပေါ် သူမရဲ့ သဘောထားကို ပြောပြလာပါတယ်။ ကိုယ်တိုင်ကလည်း ကျန်းမာရေးနဲ့ ပတ်သက်ပြီး ဂရုစိုက်ဖြစ်တဲ့အကြောင်း သူက ပြောပါတယ်။ 

“ အကယ်ဒမီပွဲ ရက်ရွှေ့လိုက်တာကလည်း အားလုံးကောင်းဖို့အတွက် ရက်ရွှေ့လိုက်တယ်လို့ မြင်ပါတယ်။ တစ်ကမ္ဘာလုံးက လူအရမ်းများတဲ့နေရာတွေ မသွားဖို့၊ စုစုဝေးဝေးရှိတဲ့နေရာတွေမှာ မနေဖို့ ပြောထားတော့ ရက်ရွှေ့လိုက်တဲ့အပေါ်မှာ ကောင်းတယ်လို့ ထင်ပါတယ်။ ကစ်ကတော့ တစ်ချိန်လုံး လက်ဆေးတာ ဆိုက်ကိုတောင်ဝင်တယ်။ Mask အုပ်တယ်၊ လူများတဲ့နေရာတွေဆို မသွားရဲဘူး” လို့ မီဒီယာ အင်တာဗျူးတွေမှာ ဖြေဆိုခဲ့ပါတယ်။ 

ကမ္ဘာအနှံ့အပြားမှာ ဖြစ်ပေါ်နေတဲ့ ကိုရိုနာဗိုင်းရပ်စ်ကြောင့် သေဆုံးသွားတဲ့ လူဦးရေတွေက အများကြီးရှိလို့နေပါပြီ။နိုင်ငံတော်တော်များများမှာလည်း ပြည်တွင်းပြည်ပ ခရီးသွားတွေကိုလည်း ဝင်ခွင့်၊ ထွက်ခွင့်တွေ ပိတ်လိုက်ပြီဖြစ်ပါတယ်။ မြန်မာနိုင်ငံအတွင်းမှာတော့ လူစုလူဝေးအများအပြားနဲ့ ပြုလုပ်ရတဲ့ အကယ်ဒမီပေးပွဲ၊ သင်္ကြန်ပွဲတွေ လုပ်ခွင့်မရတော့ဘူးလို့ သိရပါတယ်။ မြန်မာနိုင်ငံရဲ့ အနုပညာရှင် တော်တော်များ များကလည်း အဆိုပါ ကိုရိုနာဗိုင်းရပ်စ်နဲ့ ပတ်သက်ပြီး ကျန်းမာရေး ဂရုစိုက်ကြဖို့ တစ်ဖက်တစ်လမ်းက တိုက်တွန်းနေကြတာကိုလည်း တွေ့ရပါတယ်။ 

အခုဆိုရင်တော့ လူစုလူဝေးများစွာရှိတတ်တဲ့ ရုပ်ရှင်ရုံကြီးတွေကိုလည်း ခဏ ပိတ်လိုက်ရပြီလို့ သိရပါတယ်။ ဒီလို ရုပ်ရှင်ရုံတွေ ပိတ်လိုက်တဲ့အပေါ် ဝတ်မှုံရွှေရည်က အခုလို သုံးသပ်ပြောပြလာပါတယ်။ 

“ ရုပ်ရှင်ရုံတွေ ပိတ်စေချင်တယ်၊ မပိတ်စေချင်ဘူးကျတော့ ကစ်လည်း မပြောပြတတ်ဘူး။ ကစ်မြင်တာကတော့ အခိုက်အတန့်လို့တော့ မြင်တယ်။ လောလောဆယ် အခြေအနေတစ်ခုမှာတော့ ဒီလိုမျိုး ဖြစ်နေဦးမှာပေါ့နော်။ တခြား ပွဲလမ်းသဘင်တွေလည်း ပိတ်လိုက်ရတာမျိုး၊ ရပ်လိုက်ရတာမျိုးရှိတာပဲ။ ဒါပေမယ့် ရုံပိုင်ရှင်တွေနဲ့ ထုတ်လုပ်သူတွေကတော့ ဘယ်လိုတွေ လုပ်သင့်တယ်၊ မလုပ်သင့်ဘူးဆိုတာ သူတို့ ပိုသိမှာပဲလေနော်” ဆိုပြီးတော့ မတ်လ ၁၅ ရက်နေ့က Media 7 နှင့် အနုပညာရှင်များ စာချုပ် ချုပ်ဆိုခြင်းအခမ်းအနားကို တက်ရောက်ရင်း ဖြေဆိုခဲ့တာပါ။ 

ဝတ်မှုံရွှေရည်ဟာ ၂၀၁၃ခုနှစ်မှာ “နင်စေရင်” ရုပ်ရှင်ဇာတ်ကားနဲ့ အကောင်းဆုံး အမျိုးသမီးဇာတ်ဆောင်ဆုကို ရရှိခဲ့ပြီး အကယ်ဒမီ ရွှေကြယ်ကိုလည်း ၂၀၁၅ ခုနှစ်၊ ဖေဖော်ဝါရီ (၁)ရက်နေ့က မှော်ဘီမြို့ရှိ အောင်ဇဗ္ဗူတော ရကျောင်းတိုက်မှာ လှူဒါန်းခဲ့ပါတယ်။ အဲဒီနောက် ၂၀၁၄ခုနှစ်မှာတော့ ” နှလုံးသားနဲ့ပြုလုပ်သည်” ရုပ်ရှင်ဇာတ်ကားကြီး နဲ့ အကောင်းဆုံး အမျိုးသမီးဇာတ်ပို့ဆုကိုလည်း ရရှိထားပါတယ်။ သူမကို ချစ်တဲ့ ပရိသတ်တွေ ကလည်း အများကြီးရှိပါတယ်။ အခုချိန်မှာလည်း ရုပ်ရှင်ဇာတ်ကားကြီးတွေ ဆက်တိုက် ရိုက်ကူးနေရတဲ့ မင်းသမီးတစ်ယောက်ဖြစ်ပါတယ်။ သူမကိုတော့ Kanebo ကြော်ငြာနဲ့ အနုပညာလောကထဲကို ရောက်ရှိလာတာဖြစ်ပြီး ၂၀၀၈ ခုနှစ်မှာ ဇာတ်ကားများ စတင်ရိုက်ကူးခဲ့ပါတယ်။ 

ဓူဝံ